Ocio＠大圍

Ocio＠大圍

23/6/2019 15:00

剛返完大圍探家人，臨走時見肚餓，就係大圍站附近行下搵下午茶食，就係油站附近見到呢間小店，難得今日有舖甜品癮，就試下甜品下午茶。小店細細間，裝修幾別緻，還好下午茶時間唔多人，坐番張卡位舒舒服服，決定叫幾款甜品食下先。

鑊仔士多啤梨雪山熱香餅 $79

出場實在澎湃，新鮮熱辣嘅兩層pancake配凍冰冰雪糕，正! Pancake非常鬆軟，蛋香味濃。下面除左士多啤梨外，仲加左士多啤梨果醬，多一陣酸甜味，非常好味。

朱古力布朗尼窩夫$65
估唔到窩夫可以咁玩法，本身窩夫朱古力味濃，又係熱辣辣配雪糕。上面仲有好多布朗尼粒粒，朱古力味好濃郁，香氣十足。

OREO曲哉雲呢拿奶昔 $49
最後，叫左一杯奶昔解下口渴，入口非常驚喜，真係完完整整嘅冰凍Oero，變左奶昔味遁不減，冰凍好味。

呢餐非常不錯，原本普通嘅甜品改裝變成高級，賣相又靚，影左唔少相。埋單$206，以下午茶來講非常貴，但味道係唔錯。

亞玉豆腐花

亞玉豆腐花＠黃埔

9/6/2019 14:00

喺黃埔九號水產食完拉麵午餐後，行商場行左一陣，臨離開黃埔食埋個甜品先走。咁岩見到豆腐花都幾多人食，試下先。

熱豆腐花 $9
最開心係黃糖自由任加，想幾要多都得。豆腐花熱辣辣，豆味幾濃，算幾滑身。糖水唔算太甜，加黃糖就岩岩好。紫凝狂食，食左半碗。

凍芝麻糊 $15

另外一款叫左芝麻糊，滿滿一碗，滿到差啲倒瀉。芝麻糊非常夠凍，岩晒夏天熱辣辣食。入口幾杰身，芝麻味道幾濃，有粒粒芝麻，似係自家製即磨，味道唔錯，不過都係豆腐花好味啲。

砵仔糕 $3
客家糍粑 $15/3粒
另外，再買少少手信拎番屋企慢慢食。砵仔糕仔仔個，小朋友份量，豆幾多嘅，唔算太甜。
糍粑脹卜卜，裡面超多餡，係花王加芝麻，味道幾好，個皮煙煙韌韌，薄薄地唔錯。

呢個下午茶唔錯。

Hello Kitty Secret Path

Hello Kitty Secret Path＠深圳寶安壹方城

18/2/2019 13:00



 

工廈中的森林 I's Land Cafe

I's Land Cafe@觀塘
14/5/2017 12:00

經Openrice網上訂位非常方便，即時已經確定Mark左12:00嘅5大1B靚位。黎到駱駝漆大廈呢間工廈6樓，估唔到收埋左呢間餐廳。一入口門就覺得柳暗花明又一村，裝修用上好多木製餐椅同綠草，根本就係工廈中的森林。座位間格非常闊落，仲有位擺BB車，的確非常舒適。

美國頂級燒西冷牛扒配薯菜沙律杯 $108
柯打左兩個假期套餐，跟埋南瓜忌廉餐湯、餐包同蘋果汁。西冷牛扒都算幾大塊，上碟黎到自動五成熟，中間仲係粉紅鮮嫰。食落都幾腍，肉汁唔錯。配菜仲有薯角非常新鮮熱辣，瓜菜同埋沙律杯。

英式炸魚x雞軟骨配薯角伴雜菜沙律配黑松露酸忌廉醬及他他醬 $98
炸魚非常新鮮，肉厚皮脆，雞軟骨又夠香口，非常唔錯。

English Afternoon Tea Set $188

為呢個呃Like雀籠而來，的確幾吸睛。頂層有紫薯沖繩牛乳360布甸，紫薯味勁濃。仲有藍梅芝士餅、荷蘭忌廉卷、魚子醬吞拿魚麥包、巴馬火腿蟹柳卷、煙三文魚火龍果雜菜沙律杯。最後就係自家製真。紫薯蓉，的確非常香甜，口感幼滑。

花形士多啤梨窩夫配北海道3.6牛乳及綠茶雪糕 $68
甜品時間繼續非常吸引，新鮮即製，賣相好靚。窩夫外脆內軟，幾香蛋味，配上鮮甜士多啤梨，仲有好多果醬，而雪糕就夠晒凍，不錯。

埋單$462無加一，價錢合理。呢度環境真係一流，雖然處於工廈，但位置都好就腳。整體食物味道就正常，唔特別好味，但絕對唔差，賣相就加分不少，非常吸睛，一定可以喺FB度呃唔少Like。

茶木

茶木台式休閒餐廳
7/4/2017 13:30 @馬鞍山

肉燥飯不錯。魚柳酸酸甜甜幾特別。

24/2/2013 12:00 @旺角

食物不錯，坐得舒服，價錢不貴，適合大夥聚會。

14/4/2013 12:30@旺角

 

BEANS The Backyard

BEANS The Backyard@將軍澳

19/3/2017 16:00

小食拼盆 $108

新鮮即整，洋蔥圈、蜜糖雞翼、孜然雞翼，肉醬薯條正，夠多醬，好香。

綠茶芝士撻
賣相一流，噴住煙出場。綠茶雪糕、綠茶餅碎粒粒最好味，仲有貝殼蛋糕幾鬆軟。綠茶芝士勁濃味，熱辣辣。

綠茶流心吐司
竹炭吐司脆卜卜，整個吐司內都放滿綠茶醬

焦糖燉蛋Latte

3D Latte

2+2 Café 下午茶自助餐

2+2 Café @沙田帝都酒店
19/3/2017 15:00

「芝」味多重奏下午茶自助餐下午茶原價$258，開飯網搵到$300二人同行優惠，計埋加一，每人只需$170唔洗，真係抵到爛。食物選擇算多，野食不過不失，都有突出之作。總之一個字抵。

7/2/2014 15:30

燕窩芒果主題下午茶自助餐 ($148)
刺身、燕窩三文魚鮮果沙律、燕窩海鮮粥、芒果蝦天婦羅、芒果蟹肉批、燕窩薄餅
燕窩蛋白蛋撻、芒果撻、焗芒果燕窩梳乎厘