Let's Eat Out
隨時隨地,隨心所欲,隨手一機,將美食留喺網誌上。
2018年11月25日星期日
喜來登酒店The Cafe
喜來登酒店 The Cafe@尖沙咀
25/11/2018 15:00
再來一次下午茶自助餐,補充非常吸睛的甜品部
15/7/2017 15:00
四位小朋友第一次聚餐,一於來個下午茶自助餐。想食乜就食乜,又坐得舒服。
第一輪梗係食冷盤,刺身4至5款,幾鮮甜,另附自助日式冷麵。
熱盤選擇都幾多,羊架推薦,幾香口鮮味。仲有其他小食類,煎炸、點心、酥餅等,樣樣都好精緻。
迷你漢堡係幾得意嘅,岩晒小朋友食。
仲有一個粉麵檔即煮湯粉同即炒意粉。
甜品bar蛋糕款式多,味道唔錯。食過咁多款,朱古力蛋糕、芝士蛋糕不錯。
仲有即製新鮮熱辣辣窩夫,加個雪糕就最正啦。
幾款馬卡龍。
M字頭雪糕 5至6款任選,一定要狂食啦。
朋友有VIP卡,優惠價$250,呢個質素係非常抵食。
2018年11月4日星期日
朗廚房
朗廚房@大埔白石角科學園
4/11/2018 13:00
來科學園參加舒新科技節,順面食埋個午餐先走人。
朗廚房人少少,仲對住海景一於試下。
午餐有半自助,一個主菜加$28包沙律吧及湯。
紅酒燴牛助條 $68
份量好多,入味,夠腍,味道唔錯。
炸角薯條 $76
新鮮熱辣,薯條幾香脆,炸魚脆皮略嫌厚左少少。
加錢跟埋沙律吧,有蔬菜沙律、水果沙律、少量意粉、啫喔糖,選擇唔算多,但已夠小朋友食得開心。
價錢唔算貴,包沙律吧,味道唔算差。簡簡單單可以一試。
較新的文章
較舊的文章
首頁
訂閱:
文章 (Atom)