博洛尼亞 BO-LO’GNE@沙田

博洛尼亞 BO-LO’GNE@沙田

10/12/2014 20:00

樣樣都好好食，意粉、意大利飯都非常好!

多士的確好好食

日本帆立貝配黑松露忌廉燴飯
黑松露勁香

 忌廉煙三文魚意粉

荔枝角樓上美味

Bondi@荔枝角
26/11/2014 19:00

真係唔講唔知，荔枝角工廠區原來開左唔少餐廳。地鐵站行過去都唔算遠嘅，跟住入工業大廈上再搭電梯上，講真如果唔係同事帶一定唔敢黎。入到餐廳裝修都幾靚呀，真係西餐廳咁。因為今次係其一位朋友黎過介紹嘅，所以今次柯打由佢話事，所都冇睇過Menu，都唔係好知每樣價錢，最後埋單人均$200左右。

法包仲暖暖地，食落幾鬆軟，沾黑醋原來幾好味。不過黑醋俾得唔多，要叫樓員拎多兩碟。


前菜凍盆有類似螺肉嘅物體。


小食拼盆，有雞翼、越南春卷，另外一樣好似係炸蠔。試過雞翼都幾入味，但個人覺得太辣。春卷OK既。


墨爾本比目魚配意式水欖醬 $188

法國鮮鴨胸配紅酒汁 $208


鴨脾野菌意大利飯 $138 飯底係忌廉汁加雜菌幾好味


魚柳配炸薯條，魚柳好嫰，最鍾意呢味


鮮魷魚香草墨汁意粉 $128 個人鍾意意粉煮得硬身啲嘅，呢個岩口味

另一款炸春卷，呢個炸得香口好多


鮮茄菠菜闊麵 配意大利小胡瓜 $108 幾得意喎，未試過茄子配意粉，菠菜麵味道係唔錯嘅


小食有白酒青口，白酒味又唔算濃，但青口幾鮮甜。


藍梅芝士蛋糕


朱古力芝士蛋糕


只係試過朱古力布朗尼，朱古力味幾濃，不錯

呢間野賣相係好吸引嘅，款款都排得好整齊好靚，我地個個狂影相。但係份量都幾精緻，我地八個女仔些牙，其實每款都係少試一啖，惟有叫多幾款，但試過幾款野食味道都OK嘅，個人較鍾意佢嘅小食同甜品。埋單係無加一，人均$200左右，其實覺得有啲貴。

Te Quick Pasta & Herb Tea@尖沙咀

Te Quick Pasta & Herb Tea@尖沙咀

5/10/2014 18:30

全港最好食小籠包

金滿庭@馬鞍山

23/9/2014 18:30

估唔到佢都有執嘅一日。

小籠包皮薄但從不會夾爛，湯清甜味美，肉餡香甜。真係好好食!

我食過全香港最好食嘅小籠包，再見。

山頭火@尖沙咀

山頭火@尖沙咀

9/9/2014 19:30

鹽味拉麵
湯底幾清，都夠味。拉麵要求較硬都做到，叉燒半目瘦幾香甜。
溏心蛋七成熟，味道不錯。

醬酒湯底沾麵

整體味道算可以，但價錢略貴，又要加一，相當好易搵到比佢好嘅，所以唔會翻轉頭。

譚點@九龍城

譚點@九龍城

25/8/2014 13:00

團購套餐抵食

香港的一蘭拉麵

一蘭拉麵@銅鑼灣
11/8/2014 20:00

日本食過頂呱呱，黎到香港人龍長到傻。原來開左新分店，排隊時間唔太耐，大約半個鐘就入得。店內風格跟足日本，好有風味。

湯底仍然好味，但總覺得日本的更濃。
拉麵是日本的，但總覺得唔夠極硬。
叉燒仍然好味。
蛋反面比想像中好，微咸，中間溏心，非常不錯。

 夜晚黎食，需要替玉半個

無得去日本，黎呢度可算係止痕之選!

Birthday High Tea @ 8 Cafe

8 Cafe@土瓜灣
11/8/2014 15:00

Yahoo團購買到8度海逸酒店「一人 10 道美點矜貴鮮莓下午茶」，團購價$88。

地方係麻煩啲，但餐廳相當舒適高檔。


賣相非常不錯，原來一人有一份，派頭十足。





咖啡任飲，味道不錯。

夏日雜莓冰沙

忌廉意粉，忌廉夠濃，不錯。

花蜜黑樣雞翼，蜜味夠，肉算嫰。

日式木魚花凍豆腐，豆腐勁滑。

意大利芝士奶凍，雲里拿味夠重，好香滑。

鮮藍莓芝士餅，頂層藍莓味濃，中間芝士，底層曲奇餅底好香，非常好味。

鮮士多啤梨忌廉泡芙

紅桑子果撻

鮮士多啤梨蛋白卷，中間忌廉勁滑

英式雜莓鬆餅，鬆餅好鬆化，加上忌廉牛油、士多啤梨醬配合一齊食真係好正!

ラーメン松壱家

ラーメン松壱家@銅鑼灣

10/8/2014 13:00

終極雞湯拉麵 ($113)
比一般豬骨湯底更白，但不算太油，粗麵夠硬。叉燒不錯，偏肥，軟綿入味。
蛋全熟一般

醬油豬骨拉麵 ($78)
豬骨湯正常，不算突出

味道係不錯的，得一樣唔鍾意，點解要加一，明明係日本人開，點解黎到香港要加一，地道味走晒。

拉麵來

拉麵來@旺角
20/7/2014 19:00

原味豚骨湯麵 ($78)

熊本黑蒜油豚骨湯麵 ($88)
黑蒜不夠濃一般

湯較清但有味，有啲似一風堂，有興趣試魚介豚骨湯。

日食新歡 - 和民

和民居食屋@馬鞍山

6/7/2014 20:00

馬鞍山不嬲都無乜野好食，不過近排開左幾間新食肆，最開心係有和民! 不過次次等位都要等百個張飛，真係好誇張。今日終於用一個鐘時間等到位，見到有個兩人套餐都幾豐富，非常吸引。AEON卡有仲優惠!

溫泉蛋凱撒沙律

意大利風薄切鮭魚，三文魚幾鮮甜，加左黑椒、檸檬，味道不錯

炸雞軟骨，一如以往的好味

焗芝士年糕

豚平燒，最鍾意呢個，真係勁好味

門司港芝士咖哩焗飯，九州主題新產品，咖哩味濃，焗飯夠香，唔錯。好想快啲去九州試正版!

陶板燒肉盛合

梅酒，幾濃味!

食物的確唔錯，食物份量夠多。全餐計埋加一$280，算幾抵食。如果叫四款食物都差不多呢個價錢，又咁岩套餐有齊想食嘅野，正!