莆田

莆田＠銅鑼灣
11/8/2019 12:00

適逢牛一，出銅鑼灣行下街，午餐選擇左一向非常鍾意嘅餐廳，利舞臺廣場分店仲環境舒適。坐低先飲啖菊花茶，幾鍾意果份清香。

一品醉蚶 $82

的確，要去有信譽嘅餐廳先放心食蚶。呢個前菜真係非常開胃，蚶仔粒粒飽滿，非常鮮甜，加上大量蒜蓉、蔥、辣椒，醬汁帶微酸，正。

莆田扁肉湯 $22
湯本身好清甜帶少少醋酸味，扁肉燕非常鮮甜，最鍾意餃皮煙韌彈牙，一啖一粒剛好。剛好睇到店內電視介紹，原來呢味係手藝菜，餃皮係精心製作，食落的確非常好味。

哆頭蟶炒蛋 $109

早排推出哆頭蟶主題，差不多到水尾時間，再食多一次先，今次揀左炒蛋。估唔到一碟細細嘅炒蛋收埋左好多隻蟶子。蟶子仍然飽滿鮮甜，蛋又炒得夠香，咸鮮味十足。

漁民紫菜燜飯 $88
簡簡單單一個燜飯，入面加左唔少紫菜同海蠣乾，飯味香，又夠飽肚。

酥炒芋芯 $92

最後揀左必吃十醉之一嘅酥炒芋芯做甜品。芋芯外表有焦糖脆脆的，芋頭本身粉腍，好味。

呢餐真係非常滿足。更欣賞呢間分店極之BB friendly。BB櫈、兒童餐具齊全，店員姨姨都好親切，臨走時仲整左一隻狗仔汽球俾BB，開心。

蝦麵店

蝦麵店@荃灣
4/8/2019 12:00

今日約左荃灣嘅朋友仔去會所玩，玩之前喺佢屋企附近食飽飩先。荃灣街坊介紹呢間蝦麵店抵食，就聽佢話試下。

中午時間黎到都幾旺場，等左一陣位。兩大一B叫一個二人餐試下。二人餐都相當豐富，包括兩括兩碗自選粉麵、兩樣小食、仲有飲品加甜品。

小食揀左一份炸魚皮，非常香脆，味道不錯。


另一款小食係類似併盆，有炸雞翼、五香滷肉卷、豆腐、串燒。份量相當多，最特別係肉卷，外皮脆脆中間係內碎加埋其他材料，口感好特別，五香味濃，又夠Juicy，好味。而串燒加沙嗲醬都非常惹味。


主菜揀左一款咖啡叻沙，自選配料係魚片四寶。湯底好有椰香，帶微辣。魚蛋、墨魚丸都夠彈牙。


福建滷麵湯底好濃味，杰杰的，材料揀左雞蛋雞絲，十足碗仔翅咁，BB都好鍾意。


最後甜品揀左亞參多士，烤得香脆，果醬酸咪咪。另一款香茅凍好清涼感覺，剛才食左d辣野即刻舒服晒。


套餐非常豐富。平常較少食檳城口味，今次一試覺得非常驚喜，味道獨特吸引，朋友仔果然無介紹錯。

紅橋餐廳@太子

紅橋餐廳@太子

29/8/2017 12:00

蜜燒雞脾蛋包飯 $55

蜜味幾重，雞脾啖啖肉，其中一隻略嫌稍乾。

22/6/2017 12:00

咖哩牛腩粒蛋包飯 $55

18/5/2017 12:00

黑椒西冷牛扒蛋包飯 $55

份量好足，牛扒薄薄地但煎得岩岩好，肉質好腍都有肉味。蛋包飯而家改左無落茄汁，但一樣咁好味，仲有蛋液喺裡面，不錯。

13/4/2017 12:00

墨西哥汁鴨胸焗飯

醬汁夠多，鴨胸厚切份量非常多。

20/2/2017 12:00

黑松露燒汁牛柳焗飯 ($48)

非常欣賞呢度嘅焗飯真係熱辣辣，醬汁夠香，亦俾得夠多，足夠撈晒成個飯，而且配料都俾得慷慨，好味!

15/2/2017 12:00

日式咖哩雞扒焗飯 ($48)

日式咖哩幾香甜，汁夠多，撈飯一流。雞扒正常。飯面芝士落得重手，亦好夠香。不錯。

26/1/2017 12:00

海南雞飯 ($52)

雞油飯幾乾身幾香口。雞算嫩滑。幾抵食。

24/1/2017 12:00

燒豬頸肉蛋包飯 ($52)

燒豬頸肉幾香，配泰式汁不錯。

蛋夠厚身，中間都幾滑，仲有蛋汁，飯用茄汁炒過，唔錯。

莆田@馬鞍山

莆田@馬鞍山

24/2/2017 19:00

椒鹽豬手 $39/隻
幾脆夠咸香。

莆田荔枝肉 $95
肉質幾腍，醬汁惹味開胃。

冰浸苦瓜 $48
部份甜嘅食落似蘋果，但仍有部係幾甘，加蜜糖水味道好啲。

莆田燜豆腐 $88
不錯

百秒黃花魚 $68
幾鮮甜，不錯

新世紀美食廣場@旺角

新世紀美食廣場@旺角
24/2/2016 18:00
15/9/2013 12:00

24/2/2016 18:00
@泰國

泰式豬頸肉炒米粉 ($49)

幾夠鑊氣，乾身，足料，豬頸肉夠多，好多椰菜、芥蘭，蝦乾味重。

15/9/2013 12:00

@一本日式蛋包飯

雙層芝士漢堡蛋包飯 ($58)

@星洲

星洲炸醬麵 ($36)

嚐味海南雞飯

嚐味@馬鞍山
22/11/2015 19:30

頌安新開無耐星馬茶餐廳。好多人食海南雞飯同喇沙等。
海南雞飯正常，醬汁幾好味，酸微辣。可惜油飯賣晒，下次要再試。
另外，豬頸肉不錯，幾香口。

消滅寵物小精靈

沙嗲王@觀塘

6/9/2015 18:30

應承左老友要陪佢捉比卡超，終於決定睇完巨人就黎捉比卡超。黎到觀塘沙嗲王，好彩唔多人，唔洗留位。沙嗲王今期玩期間限定嘅寵物小精靈主題美食。推出三款食物同四款飲品，每惠顧一款，都會送贈寵物球信封，內含一款既小精靈Memo紙或者杯墊。

除左小精靈主題美食，仲叫左其他野食。

白咖哩香茅豬扒飯 ($52)

微辣白咖哩幾香，香茅豬扒幾香口，香茅味幾出，豬扒唔算乾都唔錯，撈埋咖哩汁好送飯。

印度薄餅 ($24)
食咖哩點可以唔襯薄餅，原味黃咖哩幾香，薄餅夠酥脆，沾醬唔錯。

芝士焗年糕 ($36)

白醬芝士落得重手，仲有少許煙肉碎，年糕煙煙韌韌都唔錯。

比卡超咖喱豬排飯 ($78)

最後點晒佢全套比卡超美食。可選炎系紅(番茄咖喱)、草系綠(波菜咖喱)或水系藍(白咖喱)。揀左個番茄咖喱配搭。比卡超飯造型已經夠可愛，起碼五官整齊。黃色飯應該加左黃薑粉微香，耳仔係墨魚汁黑色。切開比卡超個頭，原來中間仲有好多香茅豬扒同蘑菇，估唔到個頭都幾大。番茄咖喱汁係酸酸甜甜，都係微甜，相當開胃。

比卡超辣肉腸Pizza ($48)
造型明顯無咁吸引，Pizza細細個，上面加左一塊比卡超薯片同插左旗仔。餅皮係油酥餅，幾鬆脆。上面加左芝士、辣肉腸餡料，番茄醬都幾濃香。可惜薯仔好睇唔好食，硬嘅。

呱呱泡蛙藍桔荔枝梳打 ($32)
荔枝味波子汽水加勁多忌廉，三枝藍色棒棒係超甜糖膠。

雲尼拿雪糕千層塔、比卡超布甸 ($58)

千層塔配比卡超布甸，仲加多包爆炸糖，究竟包爆炸糖係放喺甸上定係個口度?
三層酥皮中間有士多啤梨等水果，同好多忌廉，頂層加個雲尼拿雪糕波。比卡超布甸係芒果布甸，算係咁啦。伴碟仲有細細粒星星啫喱。

埋單一共$380。味道唔錯，玩味十足。無估到呢間野都OK喎。

星洲名廚

星洲名廚@土瓜灣

9/7/2015 13:30

土瓜灣呢間都幾好評，終於有機會試下。價錢唔貴，午餐約$50，份量大，好鬼飽。

雞扒撈麵 ($42)
原來係公仔麵，撈左唔少醬油，加埋炸蒜，幾好味。雞扒烤得好香脆，內質幾嫰，又夠入味，唔錯。

咖哩厚切豬扒飯 ($50)
煎得酥香，豬扒真係超級厚切，厚得黎肉質好夠腍，完全唔鞋口，亦醃得好入味。咖哩幾香，但較辣味重。

見好多人食海南雞飯，可以搵日黎再試。

檳城小屋@紅磡

檳城小屋@紅磡
31/3/2013 13:00


豬頸肉蝦米粉 $42


排骨喇沙摻摻 $42

南洋吐司廚房

土司工坊@佐敦
12/8/2012 12:30
9/12/2012 20:30

12/8/2012 12:30
真係唔明白，點解任何時間澳牛都咁多人。去唔成澳牛，選擇去對面街嘅吐司工坊。雖然退而求其次，但原來都算意外收獲。是日午餐叫左兩個套餐，另加一個小食。

星洲叻沙套餐 ($42)
呢度嘅份量真如網評所講偏少，不過一碗細細嘅叻沙卻令人回味。賣相得，味道亦唔錯。叻沙配料有魚片、大蝦、豆卜、芽菜等，都係咁上下。材料都幾新鮮，起碼爽口彈牙。小豆卜用盡佢超強嘅吸收力狂索湯汁，更加係美味之中嘅極品。呢個叻沙湯底算係咁耐以黎最可口嘅。湯底用上唔少材料、香料炮製。湯底主調係香甜的，係充滿住蝦味嘅濃郁海鮮味，鮮味過後，係淡淡嘅椰香，再加點柔和辣味。如此鮮味，亦具層次感嘅叻沙湯底，真係第一次試，實在驚喜十足。所以枱上嘅溫馨小貼士，亦介紹左叻沙應該用湯匙食，短短細細嘅粗米線，再拌一啖湯一齊送入口，至係最佳食法。

肉鬆吐司套餐 ($29)
另一款輕型午餐選擇左人氣小食肉鬆吐土司。套餐仲包括半熟蛋同飲品，廿多蚊確實唔貴。切成九宮格嘅厚吐司，鋪滿厚厚一層肉鬆，非常飽足。土司烘得乾脆，邊位微焦脆脆的，中間仍然鬆軟。肉鬆既香且甜，淋上少許煉奶，更加滋味。一開始仲怕肉鬆吐司又咸又甜咁奇怪，原來兩者配合起黎嘅化學作用真係超強。

半熟蛋
多士配上半熟蛋係新加坡餐嘅特色。跟據食用小貼士，打破左半凝固嘅蛋黃，蛋黃同純白幼滑嘅蛋白混和，加上醬油同胡椒粉撈勻，就係簡單美味嘅小食。

皮蛋肉鬆 ($19)
不想多講，我冇興趣。

南洋奶茶
不得不提下呢度嘅南洋奶茶。上次試過K字頭又濃又甜嘅奶茶已經上左癮，今次一於黎個比拼。呢度嘅茶味還可以，可惜甜奶落得輕手，整體黎講同一般茶走冇乜分別。個人黎講，的確比較喜歡K頭字又甜又濃嘅地道奶茶。

雖然唔知呢間食物正宗唔正宗，但味道確實係個人喜歡。特別係一味肉鬆吐司，令人有衝動立即試埋個傳統咖椰吐司。價錢方面比尖東果間K字頭相宜，而且款式更多樣化，星期一至五嘅下午茶更加抵食。好一間新加坡過江龍，又一道力加速小女子嘅新加坡之旅。

9/12/2012 20:30

 牛油咖椰多士

娘惹米線 ($43)

米線非常幼身，可以充分吸收湯汁。湯汁酸酸甜甜，幾開胃。配料有半隻蛋、蝦、魚仔乾及豆卜。

矜貴南洋傳統早餐

Killiney Kopitiam@尖沙咀
17/6/2012 14:00
4/11/2012 12:00

17/6/2012 14:00
近排開始適應番沒有團購的日子，留意多左報紙、雜誌嘅飲食介紹。呢間吉利尼餐廳就係頭條日報介紹嘅新加坡過江龍。坐落港晶中心背後，唔行過真係唔知有間快餐式嘅超低調小店。店仔細細，食品選擇其實唔多，主要係南洋特色早餐同少量粉麵飯，絕對係輕食之選。

米暹 Mee Siam ($62)
米暹即係新加坡撈米粉，米粉配上芽菜、豆卜、蝦、白烚蛋等，外加一片青檸俾你自行加酸。顧名思義，撈米粉只有少量湯頭，呢款湯並唔係喇沙湯底，味道更為濃郁，椰香味濃，再加一點酸酸辣辣，多一點青檸香，比喇沙湯更香甜醒胃。米粉吸收晒湯嘅味道，撈埋炸乾蔥、蒜等配料，好惹味。另一樣吸濕大王就係炸豆卜，再加上清爽嘅豆芽菜，非常合襯。蝦的確新鮮爽口，但蝦味略嫌給比下去，而白烚蛋都係平平無奇。

凍甜奶咖啡
套餐配上咖啡或茶，先㨂左個凍甜奶咖啡。聽講咖啡粉係由新加坡送黎，加上甜煉奶，就成為一杯新加坡地道飲品。咖啡香的確有，味道比一般甜，奶味更重，不過同一般茶餐廳咖啡差唔多，無乜驚喜。

咖椰多士 Kaya Toast ($42)

另一份叫左個咖椰多士套餐，包括一份咖椰多士、兩隻半熟蛋同一杯飲品。
咖椰多士隨後送上，似乎係新鮮出爐。外皮烘得乾脆微焦，啡白相間烘得好靚。多士非常鬆脆，咬落索索聲，好熱氣。因為多士唔算好厚，所以請唔好抱住外脆內軟嘅期望，只係清一式脆到不得了已經唔錯。兩片多士中間塗左厚厚一層咖椰醬，再夾起一小片牛油。中間淺青黃色嘅就係咖椰醬，單憑顏色黎睇，幾似香蕉泥，但味道卻充滿椰香。一般新加坡地道做法，係以斑蘭葉、椰奶、蛋、糖煮成，所以除左椰香之外，仲有斑蘭葉嘅清新香氣。多士嘅熱力令牛油呈半溶狀態，與多士、咖椰醬融為一體，甜中略帶一點鹹，甜而不膩，非常討好嘅味道。

半熟蛋
新加坡人早餐食咖椰多士，都會配上半熟蛋，一脆一軟，呢個配搭真係妙。兩隻半熟蛋滑溜係一定的，而蛋香亦非常夠，只需要略加點豉油同胡椒粉，就會發覺，普通嘅食物配上簡單嘅烹調方式，都可以好好味。

甜奶茶
完美嘅早餐，要跟番一杯濃郁嘅甜茶，新加坡嘅奶茶，係出晒名又濃又甜。落單時，職員有查詢過奶茶需唔需要少甜，不過一於少理，反正自問嗜甜，應該唔怕。甜奶茶送到，茶味好濃，奶味亦夠香。攪一攪杯底，就發現甜嘅來源﹕煉奶。奶茶嘅幼滑，略為黏口嘅濃稠度已經好喜歡。濃郁、零苦澀味嘅茶香，再撞上香甜嘅煉奶，實在好討喜。甜，的確略甜，但呢個甜度好令人接受，而且係可以引發開心指數嘅味道。好多網友話，呢款茶即係港式嘅茶走，不過平時飲完又唔見會咁開心，好明顯係甜爺爺嘅原故。

唔講唔知，原來呢間小店唔野小，係新加坡超出名嘅老牌咖啡小店，由一九一九年開業到而家，淨係新加坡已經有超過五十間分店。呢間係香港第一間分店，小店唔大，裝修非常企理清新。以快餐運作，客人先到櫃台點菜，食品隨後由職員送上。雖然半自助形式，但服務一啲都唔差。職員夠多，而且好親切友善。不過星期日中午，人流都唔少，無得慢慢嘆，要嘆就最好揀平日。

呢個中午食嘅早餐，合共一百元正，一個字貴。不過今次過後，相信我已經愛上左又甜又椰嘅咖椰多士，配甜爺爺奶茶。近日成日心思思想翻食新加坡餐，仲諗過不如去一轉新加坡食最地道吧啦。未成行之前，暫定下一個目標係Toast Box。

4/11/2012 12:00

法式燒蛋多士套餐 ($30)
似西多士，多一份蛋香味，加埋牛油同咖椰真係好配！

咖椰多士餐一樣咁好味。

第二次一樣好味，抵繼續支持輕食！