小黑糖

小黑糖＠尖沙咀
15/12/2019 14:00

食完韓式料理，就行去隔離不遠嘅厚福街搵野飲。
一條街仔幾間茶飲店，最後揀左呢間似乎都幾受歡迎嘅小店。


近來幾鍾意飲黑糖珍珠，正好呢間小店主打小黑營系列，選擇非常多，即刻選擇困難症。
最後揀左小黑糖珍珠厚鮮奶同埋宇治抺茶歐蕾珍珠，似乎都係招牌之作。

小黑糖珍珠厚鮮奶 $32
肥杯仔份量剛夠，賣相好吸引喎。
厚鮮奶奶味好香，非常幼滑。黑糖珍惜煙煙韌韌，甜味適中，不錯。叫左七成甜度，個人認為甜度剛好。

宇治抺茶歐蕾珍珠 $32
漸層色賣相好靚，黑糖珍珠都係一樣的，奶味好足，再加一點宇治抺茶味，配合得幾好。

兩杯味道都不錯，價錢唔貴，下次想再試下紫色果杯。