24/4/2011 18:30
嘉樂商場唱K嘅地方冇左，改為一個日本美食廊，有五、六間日本料理。今次有團購俾我試一試吉列專門店。為左隆重歧視呢間以日本頂級吉列作招徠嘅高檔餐廳，決定午餐以掃街輕食為主，好讓肚皮可以騰出空間黎放吉列。
豚組嘅兼覓係，食吉列食品的話，會俾個石磨你自己磨芝麻醬汁。店員姐姐仲會好親切咁為你介紹枱上各款醬汁，吉列豚醬、芥末味沙律汁、柚子味沙律汁，等你自己配搭。
牛肉咖哩石鍋烏冬
新鮮熱辣，以石鍋上菜令材料保持熱力，仲見到熱氣泡不斷爆發出黎，咖哩味隨住熱力上升，口水直流。適當時候請自行將肥牛肉片拎起，以免俾石鍋餘溫繼續加熱搞到過熟。識得咁做嘅話，牛肉係非常嫰滑入味。典型偏甜少辣日式咖哩湯已經夠好味，夠濃郁，夠香，配埋煙韌滑溜嘅讚岐烏冬，估計係可以單品索價$70或以上嘅高質素烏冬麵鍋，一試難忘。
厚切豚肉豬骨湯石鍋烏冬
豬骨湯底有肉味但不算太濃，係比較可口清澈嘅湯底。明顯給咖哩湯底比下去，可能吉列食品太熱氣，師傅係有意作個配合，調配比較清爽嘅湯。清嘅湯底更能夠食到烏冬嘅原味，烏冬粉白晶瑩，非常煙韌，亦食得出有好香嘅麵粉味。而厚切豚肉肥瘦層次分明，肉質爽滑，非常有肉味。豚肉經過輕微燒烤處理，肉同脂肪部份味道香濃，入口即溶，食完仲有陣陣餘香。
吉列白豚柳配椰菜絲
離奇地炸到咁勁都唔油膩，而且仲超酥、勁脆! 豚柳肉幾厚身，有肉味，但肉汁不足比較乾。配上自磨芝麻吉列醬，口感更舒服。再配埋清爽嘅椰菜絲跟柚子沙律汁，更加可以消膩。開始欣賞日本人嘅創意頭腦，求其搵啲麵包糠包住啲野黎炸，竟然可以成為美食。
環境舒適，坐得舒服，兩個人都被安排坐自成一閣嘅小梳化包箱，傾計一流。由食物、飲品到環境都好滿意，大滿足的說。
蜂買$55食一個套餐，有烏冬、吉列白豚柳同飲品，又唔洗加一。可以午、晚餐時段食，感覺上晚市來食更抵。呢間野一個下午茶都講緊四、五十蚊，晚餐係上百蚊一個餐，團購收你$55，我真係好多謝你。團購讓我用茶餐廳價錢 (而家是但一間茶餐廳晚市都要四五十蚊走唔甩呀!)，食到高檔野，that's why，我鍾意團購，萬歲!!!
嘉樂商場唱K嘅地方冇左，改為一個日本美食廊，有五、六間日本料理。今次有團購俾我試一試吉列專門店。為左隆重歧視呢間以日本頂級吉列作招徠嘅高檔餐廳，決定午餐以掃街輕食為主，好讓肚皮可以騰出空間黎放吉列。
新鮮熱辣，以石鍋上菜令材料保持熱力，仲見到熱氣泡不斷爆發出黎，咖哩味隨住熱力上升，口水直流。適當時候請自行將肥牛肉片拎起，以免俾石鍋餘溫繼續加熱搞到過熟。識得咁做嘅話，牛肉係非常嫰滑入味。典型偏甜少辣日式咖哩湯已經夠好味，夠濃郁，夠香，配埋煙韌滑溜嘅讚岐烏冬，估計係可以單品索價$70或以上嘅高質素烏冬麵鍋，一試難忘。
豬骨湯底有肉味但不算太濃，係比較可口清澈嘅湯底。明顯給咖哩湯底比下去，可能吉列食品太熱氣，師傅係有意作個配合，調配比較清爽嘅湯。清嘅湯底更能夠食到烏冬嘅原味，烏冬粉白晶瑩，非常煙韌，亦食得出有好香嘅麵粉味。而厚切豚肉肥瘦層次分明，肉質爽滑，非常有肉味。豚肉經過輕微燒烤處理，肉同脂肪部份味道香濃，入口即溶，食完仲有陣陣餘香。
離奇地炸到咁勁都唔油膩，而且仲超酥、勁脆! 豚柳肉幾厚身，有肉味，但肉汁不足比較乾。配上自磨芝麻吉列醬，口感更舒服。再配埋清爽嘅椰菜絲跟柚子沙律汁，更加可以消膩。開始欣賞日本人嘅創意頭腦，求其搵啲麵包糠包住啲野黎炸，竟然可以成為美食。
環境舒適，坐得舒服，兩個人都被安排坐自成一閣嘅小梳化包箱，傾計一流。由食物、飲品到環境都好滿意，大滿足的說。
蜂買$55食一個套餐，有烏冬、吉列白豚柳同飲品，又唔洗加一。可以午、晚餐時段食，感覺上晚市來食更抵。呢間野一個下午茶都講緊四、五十蚊，晚餐係上百蚊一個餐，團購收你$55，我真係好多謝你。團購讓我用茶餐廳價錢 (而家是但一間茶餐廳晚市都要四五十蚊走唔甩呀!)，食到高檔野，that's why，我鍾意團購，萬歲!!!
沒有留言:
發佈留言