2018東京家庭樂 [3.3 明日樂園舞台餐廳]

是日午餐要快，就係明日樂園舞台餐廳食漢堡快餐。非常大嘅餐廳，自助快餐形式，座位超多，但人都好多，難得搵到一張圓枱。呢度出名就係米奇造型漢堡。每個套餐都跟薯條、飲品，主題樂園黎講係正常價。

チキン＆ラタトゥイユサンド 雞肉 ¥980

チーズ＆ビーフパティサンド 芝士漢堡 ¥980

エッグ＆ビーフパティサンド 漢堡蛋 ¥980

麵包係米奇造型，新鮮熱辣幾軟熟。漢堡軟腍肉汁仲好豐富，成個包都唔會乾柴，醬汁夠多，酸酸甜甜好惹味。薯條新鮮即炸熱辣辣，整體黎講不錯。