壹碗麵@北角
22/7/2012 13:00
黎開港島又無團購，可以一試港島區嘅人氣名店。進入開飯網進階搜尋，揀選北角區四十蚊樓下嘅食店，第一名就係呢間小店。截至現時為止，擁有九十幾個好評，絕對唔野少。特別之處係唔食牛腩改食豬，仲有佢嘅自製粗麵都係一個亮點，一於試下。
蝴蝶腩撈粗麵 ($34)
原來蝴蝶腩有肉連少許筋膜，就好似牛腩咁，肉質一絲絲，腍得黎亦帶煙韌，冇左牛嘅膻味，換黎豬嘅甜香，相當唔錯。另外新鮮自家製特闊粗麵都非常唔錯。麵條就好似西式嘅寬條麵咁粗身，有些少厚度，麵質比一般麵更為煙韌，亦有蛋香。有人話粗麵比較硬身，的確咬開麵中間，仲見到麵芯，個人認為呢個正係Al Dente嘅最佳狀態。撈麵用上少許鹵水汁、芝麻同蔥花，食起黎較為清淡，香味欠奉，不過好戲正係枱上面嘅一盅秘製沙嗲醬。只需加一匙，成個味道完全唔同晒，更加惹味香甜。不得不提撈麵配上嘅清湯，相信係豬骨清湯，味道相當鮮甜，帶胡椒香辣味，濕下口唔錯。
酒糟炆豬腩肉撈QQ麵 ($34)
五花腩真係好似雙層巴士咁，脂肪同肉層層相間，非常腍滑。煮得入味之餘，味道甜甜帶淡淡酒香，食落一啲都唔油膩。呢款揀左QQ麵，即係手打鴨蛋麵，麵型似烏冬般粗幼，入口非常煙韌幼滑，蛋香比前款更濃烈。自動跟上甜甜嘅鹵水汁撈麵，麵索晒醬汁，超惹味。
溏心浸酒蛋 ($12)
一隻大蛋浸喺酒汁之中，酒係咸甜略帶酒香，聞起黎相當濃烈，但飲落其實無想像中咁勁。雖然送上時蛋白已經爆開，但蛋黃並無流出黎。蛋白腍腍滑滑，吸收左唔少酒香。中間嘅蛋黃比一般鮮橙色，估計可能係鴨蛋。蛋黃半凝固，蛋漿慢慢流黎出，充滿喺口腔之中，混和左酒香原來別有一番風味。聽聞呢款小食係台灣特產，下次去台灣真係要試試正版。
一間小小嘅麵館，賣著唔簡單嘅一碗麵。三十多蚊一碗麵，價錢合理。淨係款式特別，坊間未曾食過，已經值回票價，而且味道仲好好，實在驚喜。今次搵食搜尋成功，其實開飯網有時都信得過嘅。
22/7/2012 13:00
黎開港島又無團購，可以一試港島區嘅人氣名店。進入開飯網進階搜尋，揀選北角區四十蚊樓下嘅食店，第一名就係呢間小店。截至現時為止，擁有九十幾個好評，絕對唔野少。特別之處係唔食牛腩改食豬，仲有佢嘅自製粗麵都係一個亮點，一於試下。
原來蝴蝶腩有肉連少許筋膜，就好似牛腩咁，肉質一絲絲，腍得黎亦帶煙韌，冇左牛嘅膻味，換黎豬嘅甜香，相當唔錯。另外新鮮自家製特闊粗麵都非常唔錯。麵條就好似西式嘅寬條麵咁粗身，有些少厚度，麵質比一般麵更為煙韌，亦有蛋香。有人話粗麵比較硬身，的確咬開麵中間，仲見到麵芯，個人認為呢個正係Al Dente嘅最佳狀態。撈麵用上少許鹵水汁、芝麻同蔥花，食起黎較為清淡，香味欠奉，不過好戲正係枱上面嘅一盅秘製沙嗲醬。只需加一匙，成個味道完全唔同晒，更加惹味香甜。不得不提撈麵配上嘅清湯，相信係豬骨清湯，味道相當鮮甜，帶胡椒香辣味，濕下口唔錯。
五花腩真係好似雙層巴士咁，脂肪同肉層層相間，非常腍滑。煮得入味之餘，味道甜甜帶淡淡酒香，食落一啲都唔油膩。呢款揀左QQ麵，即係手打鴨蛋麵，麵型似烏冬般粗幼，入口非常煙韌幼滑，蛋香比前款更濃烈。自動跟上甜甜嘅鹵水汁撈麵，麵索晒醬汁，超惹味。
一隻大蛋浸喺酒汁之中，酒係咸甜略帶酒香，聞起黎相當濃烈，但飲落其實無想像中咁勁。雖然送上時蛋白已經爆開，但蛋黃並無流出黎。蛋白腍腍滑滑，吸收左唔少酒香。中間嘅蛋黃比一般鮮橙色，估計可能係鴨蛋。蛋黃半凝固，蛋漿慢慢流黎出，充滿喺口腔之中，混和左酒香原來別有一番風味。聽聞呢款小食係台灣特產，下次去台灣真係要試試正版。
一間小小嘅麵館，賣著唔簡單嘅一碗麵。三十多蚊一碗麵，價錢合理。淨係款式特別，坊間未曾食過，已經值回票價，而且味道仲好好，實在驚喜。今次搵食搜尋成功，其實開飯網有時都信得過嘅。
沒有留言:
發佈留言