2015九州蜜月追櫻之旅 第二日 [2.3 長崎眼鏡]

一點鐘食得飽飽，繼續下午嘅旅程。就係觀光通閒逛，沿路行去長崎另一個景點眼鏡橋。

 

就係不遠處，已經見到河邊有幾座石橋，其中一條橋有兩個拱圓，加上水面倒影，形成好似眼鏡嘅畫面。眼鏡橋係日本最古老嘅石橋，所以都相當出名。其實只係到此一遊，無乜特別，但見河水好清，仲有好多小朋友係岸邊玩，都不妨黎Hea下時間。

  
 

 

眼鏡橋另一特色，就係玫瑰花雪糕。婆婆們會推住一架流動雪糕車，喺橋附近擺檔。雪糕整成玫瑰花型相當特別。一枝¥150，淡淡嘅奶味、蜜糖味，口感似雪葩，口味一般，志在影相。

 

離開眼鏡橋時，唔覺意見到呢間得意餐廳，一間裝修以路面電車為主題嘅土耳其飯人氣店。

兩點左右離開觀光通，沿路行去築町搭石橋方面電車，向哥巴拉花園進發。