一風堂赤丸新味 ¥278
日本7i獨家販售，真係要花啲時間搵下。打開有五包調味。湯豬骨味濃，口味幾似門市，夠厚身忌廉咪，加黑麻油提味，味道更香濃。秘醬辣醬少辣，能夠提香。麵質絕對唔係即食麵感，係切切實實嘅拉麵條，浸泡後口感都唔錯，比唔少拉麵檔質地還好。叉燒並唔係脫水版平野，浸軟後味道同口感都係正宗叉燒片，肉味幾甜。呢個拉麵$20有找，以杯麵黎講當然算貴，但質素等同一般拉麵，好有一風堂面市風味，正。
山頭火豚骨 ¥278
打開有四包材料。湯係鹽豬骨味，味道幾濃唔算油膩，鹽味較為突出，相對湯頭較為清爽。麵質唔錯，煙煙韌韌，質地幾好。叉燒浸軟後味道同口感都係正宗叉燒片，肉味幾甜。旭川風仲多左一粒酸梅，幾特別。
明太子一平夜店之燒そば ¥140
喺Gourmet City超市隨便買，明太子炒麵，內有三包材料。泡起後瀝去水，加左一包乾明太子粉、一包係炒麵醬油，最後放埋美奶茲撈勻。醬油本身幾香甜，明太子少少辣，加埋美奶茲帶微酸，整體不錯。
沒有留言:
發佈留言