九州美食合輯 - 唐戶市場

黎得門司港，當然要順路去埋唐戶搵食。但搵食都要較岩時間，只係星期五六日限定。
兩點未夠終於都到達唐戶市場，臨近三點收檔，真係好熱鬧好多人。市場有好幾檔售賣壽司等食物，把握減價機會開餐啦!
 
 

 

每檔都採用自助形式，拎個盆揀選鍾意嘅壽司。壽司都多款式，款款都好吸引，真係花多眼亂。
 
 

最後揀左幾款野食，樣樣都好新鮮，每件壽司約為¥100至¥500，仲有最後減價，全店半價，好多款都係¥100有交易。好出名嘅柳川水產，特價大部份每件都係¥100。大大隻炸蝦都係¥300。吞拿魚腩要¥300肥美軟腍，三文魚子好鮮甜，連海膽都好好味，總之樣樣都好新鮮好好食。總消費大約¥2500，食左好多款，真係平靚正。拎上樓上坐低慢慢食。