九州美食合輯 - 長崎 (ツル茶ん)

ツル茶ん

由中華街行去思案橋都係幾分鐘，黎到呢間創業於1925年、九州最古老嘅喫茶店ツル茶ん食元祖土耳其飯。呢度好耐之前係報社，創辦人同國父有淵源，所以門口亦寫住「孫文先生故緣之地」。店裡面貼左好多坂本龍馬跟同中山先生嘅資料，亦有好多明人到訪嘅留影同簽名。店內有復古裝修，亦保留好多舊有擺設，另有一番風味。

 

昔なつかしトルコライス ¥1080

土耳其飯的確係Fusion菜，飯、意粉、沙律放喺同一碟。呢款招牌菜係咖哩吉列豬扒配番茄拿破崙意粉。勝在顏色鮮艷，賣相吸引，而且美味都唔錯。咖哩汁香得黎帶甜，豬扒炸得香脆，肉質不錯，唔鞋仲有肉汁。意粉汁番茄味勁濃，酸甜醒胃。而飯並唔係普通白飯，而係拌入牛油、洋蔥同粟米嘅有味飯，淡得黎有味，正好緩和口味。

フリカンデルトルコ　¥1080

另一味選擇左漢堡配黑椒意粉。牛肉漢堡非常唔錯，切開漢堡仲見到肉汁，而且肉質鬆軟有肉味，配上微酸嘅ドミグラスソース牛扒醬，不錯吃。而意粉就簡單用黑椒調味，不過不失。

埋單港幣$140有找，味道未算驚為天人，但勝在配搭有趣。看似九唔搭八，但正好感受長崎和洋融合嘅感覺。